ഡല്‍ഹി: ബോംബെ ഹൈക്കോടതിയിലെ ജസ്റ്റിസ് നിതിന്‍ ജാംദാറിനെ കേരള ഹൈക്കോടതി ചീഫ് ജസ്റ്റിസ് ആയി നിയമിച്ച് വിജ്ഞാപനം ഇറക്കി കേന്ദ്ര സര്‍ക്കാര്‍. വൈകാതെ തന്നെ ജസ്റ്റിസ് നിതിന്‍ ജാംദാര്‍ കേരള ഹൈക്കോടതി ചീഫ് ജസ്റ്റിസ് ആയി സത്യപ്രതിജ്ഞ ചെയ്ത് അധികാരമേല്‍ക്കും.
ബോംബെ ഹൈക്കോടതിയിലെ ജസ്റ്റിസ് കെ.ആർ.ശ്രീറാമിനെ മദ്രാസ് ഹൈക്കോടതി ചീഫ് ജസ്റ്റിസ് ആയി നിയമിച്ച് കൊണ്ടും കേന്ദ്ര സർക്കാർ വിജ്ഞാപനമിറക്കി. കേരള, മദ്രാസ് ഹൈകോടതികൾ കൂടാതെ ആറ് ഹൈകോടതികൾക്ക് കൂടി പുതിയ ചീഫ് ജസ്റ്റിസുമാരെ നിയമിച്ചിട്ടുണ്ട്. ഹൈക്കോടതികളുടെ ചീഫ് ജസ്റ്റിസ് നിയമനം വൈകുന്നതിനെതിരെയുള്ള ഹരജി സുപ്രീം കോടതി അടുത്ത ആഴ്ച്ച പരിഗണിക്കാനിരിക്കെയാണ് കേന്ദ്രം നിയമന വിജ്ഞാപനം ഇറക്കിയത്.
