മലപ്പുറം : ചരക്കുലോറി മേൽപ്പാലത്തിൻ്റെ സുരക്ഷാഭിത്തിയിൽ ഇടിച്ചു കയറിയ അപകടത്തെ തുടർന്ന് എടപ്പാളിൽ താത്കാലിക ഗതാഗത നിയന്ത്രണം.
കുറ്റിപ്പുറം ഭാഗത്തുനിന്ന് ചങ്ങരംകുളം ഭാഗത്തേക്ക് പോകുന്ന വാഹനങ്ങൾ പാലത്തിന് താഴെ റോഡിലൂടെ കടന്നു പോകണം. തൃശൂർ ഭാഗത്തുനിന്നും വരുന്ന വലിയ വാഹനങ്ങൾ നടുവട്ടത്തിൽനിന്ന് തിരിഞ്ഞ് കടന്നു പോകണം.
കമ്പി കയറ്റിയ ലോറിയാണ് അപകടത്തിൽപ്പെട്ടിരുന്നത്. ചരക്ക് മാറ്റി കയറ്റുന്നതിനായി ക്രെയിൻ ഉൾപ്പെടെയുള്ള സാമഗ്രികൾ സ്ഥലത്തെത്തി. ലോഡ് മാറ്റി കയറ്റി ലോറി നീക്കിയ ശേഷം ഗതാഗതംപൂർവസ്ഥിതിയിലാകും.
